საქართველოს ყოფილი პრეზიდენტი მიხეილ სააკაშვილი „ერთიანი ნაციონალური მოძრაობისა“ და სხვა პოლიტიკური პარტიების გაერთიანება „ძალა ერთობაშია“-ს საპრეზიდენტო კანდიდატს, გრიგოლ ვაშაძეს ყოფილი კოალიცია „ქართული ოცნების“ „რესპუბლიკელი“ წევრის და სააკაშვილის ხელისუფლებასთან დაპირისპირებული ლევან ბერძენიშვილის მრჩევლობას სთავაზობს.

„მე გამიხარდებოდა, რომ განათლების საკითხებში გია ვაშაძემ ლევან ბერძენიშვილს სთხოვოს მრჩევლობა და ამ მიმართულების წაყვანა“, წერს სააკაშვილი „ფეისბუქზე“, და ლევან ბერძენიშვილის განცხადებას აზიარებს.

ლევან ბერძენიშვილი კი „ფეისბუქის“ თავის გვერდზე წერს: „ვზივარ ჩემთვის ფრანქფურტში, მოვიდა სააკაშვილი, საჯაროდ მომიბოდიშა, საქართველოსთვის თავდადებული მებრძოლი მიწოდა და წავიდა. აღარ ვარ რუსეთის საელჩოსთან „შნურით“ მიბმული“.