„ომეგა-ჯგუფის“ საქმის გარშემო მიმდინარე გამოძიებასთან დაკავშირებით ყოფილი მთავარი პროკურორის, ოთარ ფარცხალაძის დაკითხვის თაობაზე თბილისის მერმა და პარტია „ქართული ოცნების“ გენერალურმა მდივანმა კახა კალაძემ თქვა, რომ საქმის დეტალებს არ იცნობს, არც გამომძიებელია და არც ფარცხალაძე ყოფილა ან არის დედაქალაქის მერიის თანამშრომელი, მაგრამ თუ საჭირო იქნება, ფარცხალაძე დაიკითხება.
„ამ თემასთან დაკავშირებით ბევრჯერ მომიწია განცხადების გაკეთება და კიდევ ერთხელ ვიმეორებ: თუ არსებობს რაიმე საჭიროება, რომ კონკრეტული ადამიანები იყვნენ დაკითხულნი, გამოძიება დაწყებულია და იმოქმედებს. თუ საჭიროა ფარცხალაძის დაკითხვა, დაიკითხება, თუ საჭიროა ვინმე სხვა კონკრეტული პირის დაკითხვა, დაიკითხება.
ჩემს პირად პოზიციას რაც შეეხება, საერთოდ, თემას არ ვიცნობ, საქმის დეტალები არ ვიცი. ამასთან, არც გამომძიებელი ვარ. მე ვარ ქალაქის არჩეული მერი, 51% მივიღე არჩევნებში და ვასრულებ ჩემს უფლება-მოვალეობას. ფარცხალაძეზე ერთადერთი შემიძლია გითხრათ – ის მერიაში არ მუშაობდა და არ მუშაობს“, უთხრა კახა კალაძემ მედიის წარმომადგენლებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.