ყოფილი პრემიერი და შინაგან საქმეთა მინისტრი ვანო მერაბიშვილი „რუსთავი 2“-ის გადაცემაში „ნაციონალური მოძრაობიდან“ „ევროპული საქართველოს“ გამოყოფასაც ეხმაურება. ამბობს, რომ ამ ორმა ძალამ რაღაც ეტაპზე უნდა ნახოს საერთო და დაიწყოს ბრძოლა. მისივე თქმით ის ამ ორ ძალას ვერ ყოფს რადგან ორივე მათგანში ხედავს მის მეგობრებს და ისინი ცალ-ცალკე ვერ წარმოუდგენია.

„მე ყველაფერი მეჩვენება ისე როგორც იყო ჩემ დაპატიმრებამდე. მე ბოლომდე ვერ გავიაზრე და ვერ გავითავისე ის ფაქტი, ასე ვთქვათ რომ პარტია არის გაყოფილი. მე ჯერაც ისე ვუყურებ, რომ ამ ორმა ძალამ მაინც უნდა ნახოს საერთო და საერთო ინტერესებისთვის და მიზნის მისაღწევად იბრძოლოს, ამიტომ ჩემს მდგომარეობაში არჩევანზე არ ვფიქრობ, რადგან ესენი ჩემ მეგობრებად და თანამებრძოლებად მიმაჩნია ამიტომ ვერ ვყოფ... მე მინდა და ყველაფერს გავაკეთებ, რომ ესენი გახდნენ ისევ ერთიანი, რადგან მიხეილ სააკაშვილსაც და იმ ადამიანებსაც ერთნაირი მიზნები აქვთ და მინდა რომ ესენი იყვნენ ერთად, იბრძოლონ ერთი მიზნისთვის“, განაცხადა მერაბიშვილმა.