ლონდონის საფონდო ბირჟაზე კონფერენცია "საქართველო - ინვესტორთა დღე" გაიმართა. კომპანია Galt&Taggart-ის მიერ ორგანიზებულ ღონისძიებას 130 მსხვილი საინვესტიციო კომპანიის წარმომადგენელი ესწრებოდა. კონფერენციაზე სიტყვით გამოვიდა პრემიერ-მინისტრი მამუკა ბახტაძე. ის ინვესტორებს საქართველოს საინვესტიციო გარემოზე, განხორციელებულ და დაგეგმილ რეფორმებზე ესაუბრა.
კონფერენციაზე შეკრებილ ინვესტორთა წინაშე საქართველოს ეკონომიკური ტენდენციებისა და საინვესტიციო შესაძლებლობების შესახებ ვრცელი პრეზენტაცია გააკეთა ეკონომიკისა და მდგრადი განვითარების მინისტრმა გიორგი ქობულიამ. მან განსაკუთრებული ყურადღება გაამახვილა საქართველოს ეკონომიკის მდგრადობაზე რეგიონის სხვა ქვეყნებში ეკონომიკური ვითარების გაუარესებით გამოწვეულ გავლენათა მიმართ.
გიორგი ქობულიას განცხადებით, საქართველოს მთავრობის მნიშვნელოვანი პრიორიტეტია ეკონომიკის რეალურ სექტორში ხარისხობრივი ინვესტიციების მოზიდვა, ინვესტიციების მაღალტექნოლოგიურ დარგებში განხორციელება და ცოდნისა და ტექნოლოგიების ტრანსფერი. მისი თქმით, მთავრობა გეგმავს ინვესტირებას საქართველოში განათლების სექტორში და ისეთი მოდელის ამოქმედებას, რომელიც მნიშვნელოვნად გაზრდის ადგილობრივი კადრების კონკურენტუნარიანობას არა მხოლოდ შიდა, ასევე რეგიონალურ შრომის ბაზრებზე.
ეკონომიკისა და მდგრადი განვითარების მინისტრმა ყურადღება გაამახვილა რამდენიმე პრიორიტეტულ მიმართულებაზე, სადაც ინვესტიციების მოცულობა ბოლო პერიოდში პერმანენტულად იზრდება. ამავე დროს, მან ყურადღება გაამახვილა სხვა სექტორებზეც, სადაც დიდია საინვესტიციო მიმზიდველობის ხარისხი. მათ შორის, გიორგი ქობულიამ დაასახელა ენერგეტიკა, გადამამუშავებელი წარმოება, ტექსტილი, ფინანსური სექტორი, ტრანსპორტი, ლოგისტიკა, საინფორმაციო ტექნოლოგიები, ტურიზმი, უძრავი ქონება, სასტუმროები და რესტორნები და სხვ.
გიორგი ქობულიამ ბრიტანელ ინვესტორებს გააცნო საქართველოს უახლესი პოზიციები საერთაშორისო რეიტინგებში, რომლებიც კიდევ ერთხელ უსვამს ხაზს საქართველოში ბიზნეს მეგობრული კანონმდებლობის არსებობას.
კონფერენციამდე გიორგი ქობულიამ, საქართველოს მთავრობის სხვა წევრებთან ერთად, მონაწილეობა მიიღო ლონდონის საფონდო ბირჟაზე საქართველოსადმი მიძღვნილ საზეიმო ცერემონიალში. ჟურნალისტებთან საუბრისას, საქართველოს ეკონომიკისა და მდგრადი განვითარების მინისტრმა იმედი გამოთქვა, რომ ლონდონის საფონდო ბირჟის ლისტინგში უფრო მეტი ქართული კომპანია იქნება წარმოდგენილი. „ეს იმას ნიშნავს, რომ ინვესტორები მსოფლიოდან ამ საფონდო ბირჟის გავლით შემოიტანენ თანხებს საქართველოში და განახორციელებენ ინვესტიციებს. პრაქტიკულად, ეს იქნება საქართველოსთვის უცხოურ ვალუტაში ინვესტიციების მოზიდვის ერთ-ერთი ძალიან ეფექტური საშუალება“ - განაცხადა საქართველოს ეკონომიკისა და მდგრადი განვითარების მინისტრმა გიორგი ქობულიამ.
ინფორმაციას ეკონომიკის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.