თერჯოლის მოსწავლე-ახალგაზრდობის მუნიციპალური ცენტრის კლუბების მუშაობის გაცნობა, გამოფენები, ხალხური სიმღერები, საცდელ-სადემონსტრაციო ნაკვეთის გაცნობა, ხალხური თამაშობები-მრავალფეროვანი აქტივობით დატვირთული ღონისძიებას მუნიციპალიტეტის მერის მოადგილეები მანუჩარ ფანჩულიძე და მერაბ სირაძე, კულტურის სამსახურის უფროსი გურამ თურქაძე და მუნიციპალიტეტის სხვა ხელმძღვანელი პირები ესწრებოდნენ.
„მიზანი იმ მრავალფეროვანი ღონისძიებებისა, რომლებიც იმართება მერიის ინიციატივით, ერთია-გააღრმავოს პატრიოტული გრძნობა მომავალ თაობაში, რათა უფრო მეტად შეუყვარდეთ საკუთარი მხარე. სადაც არ უნდა წავიდნენ, ამ სიყვარულმა უნდა დააბრუნოს მშობლიურ სოფელში, არ დაივიწყონ ვისი გორისანი არიან, არ გააცივონ მშობლიური კერა. სოფლის სიძლიერეზეა დამოკიდებული ქვეყნის სიძლიერე. ძლიერ სოფელს კი თქვენ ქმნით ახალგაზრდებო, რომლებსაც სამშობლოს სიყვარული ბავშვობიდანვე გაქვთ შესისხლხორცებული“-აღნიშნა მანუჩარ ფანჩულიძემ.
დამსწრე საზოგადოებას მიმართა მერის თანაშემწე გიორგი ამირანაშვილმა, რომელმაც მადლობა გადაუხადა მოსწავლე-ახალგაზრდობის ცენტრის დირექტორს რუსუდან კოვზირიძესა და მთელ პედკოლექტივს წლების მანძილზე ახალგაზრდა თაობის აღზრდაში შეტანილი განსაკუთრებული წვლილისათვის.
ინფორმაციას თერჯოლის მუნიციპალიტეტის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.