ეკონომიკისა და მდგრადი განვითარების მინისტრი გიორგი ქობულია საქართველოში იტალიის ელჩს ანტონიო ენრიკო ბარტოლის შეხვდა.
შეხვედრაზე საუბარი წარიმართა საქართველოსა და იტალიის სავაჭრო-ეკონომიკურ ურთიერთობებზე, ასევე სამომავლო თანამშრომლობის პრიორიტეტულ მიმართულებებზე.
გამოიკვეთა ცალკეული სფეროები, რომლის განვითარებაც ორმხრივად მომგებიანი იქნება, მათ შორის, დასახელდა ისეთი მიმართულებები, როგორიცაა ინფრასტრუქტურა, სოფლის მეურნეობა, ტურიზმი, ენერგეტიკა, მრეწველობა, ინოვაციები და სხვ.
აღინიშნა, რომ ორივე მხარე მიესალმება თანამშრომლობის გაღრმავებას და მზადყოფნას გამოთქვამენ ორმხრივი ეკონომიკური კავშირების განვითარებისკენ მიმართული ღონისძიებების გასატარებლად. მხარეები ასევე შეთანხმდნენ, რომ ხელს შეუწყობენ საქართველოსა და იტალიის საქმიანი წრეების დაახლოების პროცესს, მათ შორის, სავაჭრო მისიებისა და ბიზნეს ფორუმების ორგანიზების მიმართულებით, საქართველოს ცნობადობის ამაღლების მიზნით.
ინფორმაციას ეკონომიკის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.