თბილისი საქალაქო სასამართლომ ბიზნესმენის შვილის გატაცების ბრალდებით დაკავებულ ხუთივე ბრალდებულს წინასწარი პატიმრობა შეუფარდა.
ბრალდების მხარემ სასამართლოს მათი პატიმრობის შუამდგომლობით მიმართა.
ბიზნესმენ ამირან დეკანოიძის შვილის გატაცების ბრალდებით სამართალდამცავებმა თბილისსა და წყალტუბოში ჩატარებული სპეცოპერაციების შედეგად 10 პირი დააკავეს.
ათიდან 3 დაკავებული, მათ შორის, ერთი ქალი, წინასწარი დაკავების იზოლატორიდან გუშინ გაათავისუფლეს.
ამ დრომდე უცნობია, წარუდგინეს თუ არა კიდევ ორ პირს ბრალი.
მძევლად ხელში ჩაგდების ბრალდებით სამართალდამცველებმა დანაშაულებრივი ჯგუფის წევრები იმერეთსა და თბილისში ერთდროულად ჩატარებული სპეცოპერაციების დროს, 2 დღის წინ, აიყვანეს.
გამოძიების ინფორმაციით, ბრალდებულებმა ბიზნესმენ ამირან დეკანოიძის შვილი, გიორგი დეკანოიძე, თბილისის ცენტრიდან გაიტაცეს და გამოსასყიდის სახით 3 მილიონი ლარი მოითხოვეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.