პარტია „ქართული ოცნება - დემოკრატიული საქართველოს“ თავმჯდომარე ბიძინა ივანიშვილი სამ ჟურნალისტთან შეხვედრის ფორმატში აცხადებს, რომ სალომე ზურაბიშვილი არის სიმბოლო ქვეყნის გაერთიანების და იმ ადამინების, ვისაც თავის ქვეყანაში დაბრუნება სურთ.

„ყოფილი ხელისუფლების წევრები ცდილობენ ქალბატონს მოღალატე უწოდონ, არაქართველს ეძახიან, რომლის მამამ ზურაბ ზურაბიშვილმა მოქალაქეობაზე, საფრანგეთის მოქალაქეობაზე თქვა უარი, იმისთვის რომ ქართული არ დაეტოვებინა ამ მამის გაზრდილ შვილზე დღეს, „ნაციონალური მოძრაობის“ ბევრი წევრი და მხარდამჭერი ეჭვს გამოთქვამს, რომ ‘ეს ქართველი არააო’, ამ ქალბატონმა საფრანგეთში გაიკეთა კარიერა ევროპაში ტიპურმა ევროპელმა ქალბატონმა. ჩამობრძანდა საკუთარ ქვეყანაში, რასაც უამრავი ქართველი ოცნებობს დღეს, ჩვენ გვინდა ჩვენი სამშობლო გავაერთიანოთ ეს არის ჩვენი ყველაზე დიდი ტკივილი, ეს ქალბატონი სიმბოლოა ამის, თანაც ქალბატონი, თანაც ევროპელი და ჩვენ შეგვიძლია ავირჩიოთ ის პრეზიდენტად“, განაცხადა ბიძინა ივანიშვილმა.