მმართველი პოლიტიკური გუნდის ყოფილი წევრი დავით ჭიჭინაძე „ქართული ოცნების" მიერ მხარდაჭერილ პრეზიდენტობის კანდიდატს, სალომე ზურაბიშვილს ღიად უპირისპირდება. ჭიჭინაძე ამბობს, რომ შეეცდება, რაიონში, რომლის მაჟორიტარი დეპუტატიც თავად არის, პრეზიდენტობის სხვა კანდიდატი იყოს გამარჯვებული.
„მე ჩემს რაიონში შევეცდები, რომ აბსოლუტურად სხვა კანდიდატი იყოს გამარჯვებული, არც ერთი, არც მეორე და არც მესამე. ნებისმიერ ადამიანს, რომელსაც უნდა გააგრძელოს პოლიტიკური ცხოვრება, უნდა მოერიდოს ქალბატონი სალომეს მხარდაჭერას იმიტომ, რომ შემდეგ წლებში მათ ისე გაახსენებენ, როგორც დღეს „ნაციონალურ მოძრაობას“ წარსულ 9 წელს ახსენებენ", აცხადებს დავით ჭიჭინაძე, რომელიც სამი ტელეკომპანიის ჟურნალისტებისთვის მიცემული ინტერვიუს გამო, მმართველი პარტიის თავმჯდომარესაც აკრიტიკებს.
„ძალიან უდროო ინტერვიუსავით გამოვიდა, მე პირდაპირ ვიტყოდი. ვინც ურჩია, რომ ამითი რაღაცას გარდატეხას შეიტანდნენ არჩევნებში, ალბათ, ცოტა სხვა პათოსი უნდა აერჩიათ და არა ის „გამპრავებელი" პათოსი, რომელსაც ჩვენ პირველი ორმოცი წუთის განმავლობაში ვისმენდით. შესაბამისად, მე ვფიქრობ, ამან კიდევ უფრო დააზიანა ის შანსები, რაც ჰქონდა „ქართულ ოცნებას“ საპრეზიდენტო არჩევნებში", ამბობს ჭიჭინაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.