„ევროპული საქართველოს“ ერთ-ერთი ლიდერი, გიგი უგულავა „კვირის აქცენტების“ პირდაპირ ეთერში ბიძინა ივანიშვილის განცხადებებს გამოეხმაურა.

„ევროპული საქართველოს“  ერთ-ერთმა  ლიდერმა ხორავას ქუჩაზე მომხდარი მკვლელობის საქმის შემსწავლელ საგამოძიებო კომისიაში სალომე ზურაბიშვილის როლზეც ისაუბრა.

უგულავას თქმით, მისი შთაბეჭდილება არის შემზარავი არაადეკვატურობა. ასევე მან საზოგადოებას არჩევნებზე აქტიურობისკენ მოუწოდა. ყოფილმა თბილისის მერმა ივანიშვილის მეირ „რუსთავი 2“-ის მიმართ გაკეთებული განცხადებებიც შეაფასა.

„მისი ამოცანა იყო, რომ მიემართა „ქართული ოცნების“ ამომრჩევლისთვის, კიდევ უფრო სპეციფიკური ამოცანა იყო, რომ მიემართა იმ ადამიანებისთვის, როგორ თვითონ თქვა ისტორიულად უჭერენ მხარს „ქართულ ოცნებას“, მაგრამ ახლა არ აპირებენ, რომ სალომე ზურაბიშვილს მხარი დაუჭირონ ამ არჩევნებზე. მისი სამიზნე პირობითად რომ ვთქვათ, ირმა სოხაძე, კოლექტიური სახით ვამბობ. ივანიშვილმა მათ არაფერი შესთავაზა... სინამდვილეში მივიღეთ, რომ უთხრა, ბოლომდე შეიზილა ოთარ ფარცხალაძე, აღიარა, რომ ის, რაც ვიხილეთ, როცა ეს ადამიანი კადიროვივით გადაადგილდება, სცემს ადამიანებს, უფრო მეტი ცინიზმი მივიღეთ მისგან, ის პასუხი კი არა, რომ მოევლება... იუმორისტული თვალსაზრისით, გამაოგნებელი და შემზარავი რომ არ ყოფილიყო, დაჯდებოდა კაცი და იცინებდა. ასევე გამაოგნებელი იყო მისი რეაქცია და უტიფარი მირზა სუბელიანთან და ზაზა სარალიძის ტრაგედიასთან დაკავშირებით.

სალომე ზურაბიშვილი, რომელიც წარმოადგენდა, ვითომ დამოუკიდებელი იყო, მაგრამ „ქართული ოცნების“ კვოტით იყო კომისიაში, ბოლო მომენტში, როცა გადაწყდა, რომ „ქართული ოცნება“ მას მხარს უჭერდა, ადგა და კომისიიდან გაიპარა, ქალი კომისიიდან გაიპარა. სალომე ზურაბიშვილი რომ უვარგისია, კომისიაში მისი მოღვაწეობიდანაც ჩანს.

მას მხოლოდ "რუსთავი 2" ადარდებს. პრაქტიკულად, თავის მომხრეებს უთხრა, რომ გამორთეთ "რუსთავი 2", მე ვერ ვრთავ, ან მომეცით ერთი წელი, მერე რას იზამს, არ ვიცი, ვერც ვერაფერს იზამს“, განაცხადა უგულავამ.