„ედისონ რისერჩი“ სოციოლოგიური კვლევის შედეგებს აქვეყნებს. გამოკითხვები ალოკაციის მიხედვით და ალოკაციის გარეშე ჩატარდა.

კვლევის შედეგების მიხედვით, შეკითხვაზე, დღეს რომ საპრეზიდენტო არჩევნები ტარდებოდეს, ვის მისცემდით ხმას, პასუხები, ალოკაციის მიხედვით, ასე გადანაწილდა:

გაერთიანებული ოპოზიციის „ძალა ერთობაშია“-ს საპრეზიდენტო კანდიდატი გრიგოლ ვაშაძე - 31%;

„ქართული ოცნების“ მიერ მხარდაჭერილი პრეზიდენტობის კანდიდატი სალომე ზურაბიშვილი - 28%;

„ევროპული საქართველოს“ საპრეზიდენტო კანდიდატი დავით ბაქრაძე - 14%;

„ლეიბორისტული“ პარტიის საპრეზიდენტო კანდიდატი შალვა ნათელაშვილი - 5%;

არ გადაუწყვეტია, უარი პასუხზე - 16%;

ამერიკულმა ორგანიზაციამ პირისპირ ინტერვიუს საფუძველზე რესპოდენტები მთელი საქართველოს მასშტაბით 15-დან 24 ოქტომბრამდე გამოკითხა.

„ედისონ რისერჩს“ სოციოლოგიური კვლევა „რუსთავი 2"-მა დაუკვეთა.