საქართველოს მესამე პრეზიდენტის ბიძა თემურ ალასანია ეხმაურება უკრაინული ვებგვერდის მიერ გავრცელებულ აუდიოჩანაწერს, სადაც სავარაუდოდ, მისი და მიხეილ სააკაშვილის საუბარია, ასახული.

სოციალურ ქსელში, Ketino Alasania-ს „ფეისბუქ"-გვერდის საშუალებით, თემურ ალასანია განცხადებას ავრცელებს და ამბობს, რომ აუდიოჩანაწერი სრული ფაბრიკაციაა.

„ჩემსა და პრეზიდენტს შორის ვითომ შემდგარი სატელეფონო საუბარი, რომელიც სამთავრობო „მხილებების” ბოლო ჰიტად უნდა იქცეს, წარმოადგენს სრულ ფაბრიკაციას და არ გამოიწვევს არავითარ ვნებათა ღელვას. შემოვიფარგლები მარტო ორი კომენტარით. ამათ ან ჩვენ ვგონივართ სრული იმბიცილები რომ ასეთ თემებზე ვისაუბროთ, ან ქართველი ხალხი, რომელმაც ეს უნდა უპირობოთ გადაყლაპოს. ეს არც ჩემი საუბრის სტილია, განსაკუთრებით გინება და არც ჩემი ხმა. მკვლელობებს საერთოდ არ ვუკვეთავ და მითუმეტეს ტელეფონით. და მეორე. ეტყობა ძალიან გაუჭირდათ და დამარცხება მათთვის გარდაუვლია. საიდან ვიცი? იქიდან რომ ოჯახი ს წევრებზე ქმნიან კომპრომატს", წერს ნათქვამია თემურ ალასანიას განცხადებაში.

სატელეფონო საუბრის ჩანაწერის გავრცელებას ეხმაურება თავად მიხეილ სააკაშვილიც.

„ვაი, ამ ჭორვილელი აფერისტის პატრონს..მართლა გონია,რომ მსგავსი გაცვეთილი ტყუილებით გააცურებს ხაალხს?

ხალხმა უკვე გამოუტანა განაჩენი მის ექვსწლიან ტყუილებს ,ქურდობებს და სიყალბეებს და ეს განაჩენი 28-ში გამოცხადდება", წერს სააკაშვილი „ფეისბუქის" საკუთარ გვეერდზე.

უკრაინულ ვებგვერდზე გამოქვეყნდა, სავარაუდოდ, მიხეილ სააკაშვილსა და თემურ ალასანიას შორის სატელეფონო საუბარი, რომლის ნამდვილობაც ჯერჯერობით დადგენილი არ არის. ჩანაწერში, სავარაუდოდ, თემურ ალასანია ამბობს: „ერთ მილიონს გადავუხდი, ვინც სნაიპერის ვინტოვკით მოკლავს ბიძინას“.