„ქართული ოცნების“ შტაბის წარმომადგენლებს ვიდეოთი მიმართავს საქართველოს ყოფილი პრეზიდენტი მიხეილ სააკაშვილი და მოუწოდებს მათ, რომ არ შეასრულონ ბიძინა ივანიშვილის ინსტრუქციები არჩევნების გაყალბების თაობაზე.

„ძალიან ყურადღებით ვაკვირდები ყველაფერს. მომდის მთელი ინფორმაციები. ყველაფერი მიდის ძალიან მაგრად, მეგობრებო, ძალიან მაგრად, იმაზე მაგრად, ვიდრე წამომედგინა და ეხლა მინდა ერთი რამე ვთქვა. ყველაფერი ძალიან კარგად მიდის და ეხლა მინდა ვუთხრა ადმინისტრაციული რესურსის წარმომადგენლებს და „ოცნების“ შტაბის წევრებს და დამკვირვებლებს: შედეგი უკვე განპირობებულია მეგობრებო. ძალიან გთხოვთ, თუ ახლა მიიღებთ რაიმე ინსტრუქციას - ჩაყრის, გაყალბების, თავზე ხელის აღების, ნუ შეასრულებთ, მე გაძლევთ გარანტიას, რომ არავინ არ იქნება დათხოვნილი სამსახურიდან; მე გაძლევთ გარანტიას, რომ არავის არავინ არ შეეხება; მე გაძლევთ გარანტიას, რომ სრულიად დაცული იქნება თქვენი უფლებები და ვერავინ ვერც გაიაზრებს ვერანაირ რევანშს ან უბედურებას, ოღონდ ახლა არავინ არ აიღოთ თავზე ხელი. ყველანი ქართველები ვართ ხალხო, ყველანი ჩვენი სამშობლოს შვილები ვართ. ჩვენი სამშობლო თავისუფლდება. დღეს არის ჩვენი საერთო გამარჯვების დღე - ჩვენი და თქვენი. ნუ აღიქვამთ ამას მარცხად და არ შეასრულოთ იმ ერთი კაცის გიჟური ინსტრუქციები. ჩვენ მოვნახავათ საერთო ენას და ჩვენ ერთად, ხელჩაკიდებული განვავითარებთ ჩვენს სამშობლოს“, ამბობს სააკაშვილი.