ცენტრალური საარჩევნო კომისიის ცნობით, 3705 საარჩევნო უბნიდან ამ დროისთვის 3678 (+11 სპეცუბანი) უბანი დათვლილია. დათვლილი უბნების 99.57%-ის მიხედვით, მმართველი პოლიტიკური პარტიის მიერ მხარდაჭერილმა პრეზიდენტობის კანდიდატმა, სალომე ზურაბიშივილმა 38.66%, ხოლო გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ 37.7 % მიიღო.

ამ დროისთვის არსებული მონაცემებით, სალომე ზურაბიშვილს მხარი 614 964-მა ამომრჩეველმა, ხოლო გრიგოლ ვაშაძეს 599 662-მა დაუჭირა.

მესამე ადგილზეა დავით ბაქრაძე 174 555 ხმით, რაც ხმათა საერთო რაოდენობის 10.97 პროცენტს შეადგენს.

დანარჩენი პროცენტები სხვა კანდიდატებზე ნაწილდება.

რადგანაც 50% +1 ხმა ვერც ერთმა კანდიდატმა ვერ მოაგროვა, საჭირო ხდება მეორე ტურის გამართვა, რომელიც სავარაუდოდ, ნოემბრის ბოლოდან დეკემბრის დასაწყის პერიოდში, კვირა დღეს უნდა გაიმართოს.

GUARDIAN.GE წარმოგიდგენთ კახეთის რეგიონის 8 საარჩევნო ოლქში 100%-იან მონაცემებს, რომელთა მიხედვითაც ჩანს, რომ მმართველი პოლიტიკური გუნდის მიერ მხარდაჭერილი პრეზიდენტობის კანდიდატი სალომე ზურაბიშვილი 4 ოლქში - დედოფლისწყაროს, სიღნაღის, გურჯაანისა და საგარეჯოს საარჩევნო ოლქებში ლიდერობს, „ერთიანი ნაციონალური მოძრაობის და სხვა 10 პოლიტიკური პარტიის „ძალა ერთობაშია“-ს საპრეზიდენტო კანდიდატმა, გრიგოლ ვაშაძემ კი, დანარჩენ  ოთხ - ყვარელის, თელავის, ლაგოდეხის და ახმეტის საარჩევნო ოლქებში გაიმარჯვა.

დედოფლისწყაროს #14 საარჩევნო ოლქი: სალომე ზურაბიშვილი - 52.89%, გრიგოლ ვაშაძე - 26.35% (23 უბნიდან დათვლილია 23 უბანი).

სიღნაღის #13 საარჩევნო ოლქი: სალომე ზურაბიშვილი - 39.95%, გრიგოლ ვაშაძე - 37.49% (35 უბნიდან დათვლილია 35 უბანი).

ლაგოდეხის #15 საარჩევნო ოლქი: სალომე ზურაბიშვილი - 33.59%, გრიგოლ ვაშაძე - 45.04 (37 უბნიდან დათვლილია 37 უბანი).

გურჯაანის #12 საარჩევნო ოლქი: სალომე ზურაბიშვილი - 39.78%, გრიგოლ ვაშაძე - 34.6% (51 უბნიდან დათვლილია 51 უბანი).

ყვარელის #16 საარჩევნო ოლქი: სალომე ზურაბიშვილი - 40.46%, გრიგოლ ვაშაძე - 44.3% (30 უბნიდან დათვლილია 30 უბანი).

თელავის #17 საარჩევნო ოლქი: სალომე ზურაბიშვილი - 32.79%, გრიგოლ ვაშაძე - 50.12% (54 უბნიდან დათვლილია 54 უბანი).

ახმეტის #18 საარჩევნო ოლქი: სალომე ზურაბიშვილი - 33.25%, გრიგოლ ვაშაძე - 45.99% (29 უბნიდან დათვლილია 29 უბანი).

საგარეჯოს #11 საარჩევნო ოლქი: სალომე ზურაბიშვილი - 40.27%, გრიგოლ ვაშაძე - 36.66% (50 უბნიდან დათვლილია 50 უბანი).