იურიდიული კომიტეტის თავმდომარე, „ქართული ოცნების“ დეპუტატი ეკა ბესელია აცხადებს, რომ მეორე ტურში სულ სხვა მოცემულობაა, რადგან მისი თქმით, „აქ არის შავი და თეთრი; წარსული და მომავალი“.

„რაც შეეხება ცალკეული კანდიდატების თუ პარტიების განცხადებას ძალადობრივი სისტემის წარმომადგენლების მხარდაჭერისკენ. ეს არის ყველა იმ იდეალის და ყველა იმ ღირებულების ფეხქვეშ გათელვა, ჩემი გადასახედიდან, რისთვისაც ისინი ოდესმე ერთი დღით მაინც ქუჩაში გამოსულან თუ სადმე სხვაგან უბრძოლიათ. იმ ვითარებაში, როდესაც იყო შესაძლებლობა მესამე ან მეოთხე კანდიდატისთვის მიეცათ ხმა მოქალაქეებს და ეს შესაძლებლობა იყო ამ არჩევნების დროს, და ვინც არ არძლევდა ხმას „ნაციონალურ მოძრაობას“ და მიაჩნდა, რომ ეს იყო აბსოლუტურად მიუღებელი, მე მგონია, რომ ყველა ეს მოქალაქე აცნობიერებს, მიუხედავად იმისა, რა განცხადება გააკეთა ბაქრაძემ, ან რა განცხადება გააკეთა რომელიმე სხვა კანდიდატმა, აცნობიერებს, რომ მეორე ტურში სულ სხვა მოცემულობაა. აქ არის შავი და თეთრი; წარსული და მომავალი“, განაცხადა ბესელიამ.