მმართველი პოლიტიკური გუნდის წარმომადგენელი ირაკლი სესიაშვილი აცხადებს, რომ „ქართული ოცნების" პოლიტიკურ ოპონენტებს ქვეყანაში დესტაბილიზაცია და ქაოსი აწყობთ.

როგორც სესიაშვილი ამბობს, დესტაბილიზაციისა და ქაოსის პირობებში, „მით მეტი შანსი ექნებათ, რაც იციან, ის გააკეთონ".

„კგბ-ს ნომენკლატურა გრიგოლ ვაშაძე ამომრჩეველს ჰპირდება, რომ მწვალებლებს და დამნაშავეებს გაათავისუფლებს, ხელისუფლებას შეცვლის და არჩევნებს დანიშნავს. ამას ამბობს მაშინ, როცა პრეზიდენტის კომპეტენციაში არ შედის. ცხადია, ამ ყველაფერს დაძაბულობისკენ, სიტუაციის პოლარიზაციისკენ მივყავართ. ოპონენტებს მხოლოდ რევოლუციურ გარემოში შეუძლიათ ქვეყანაში სიტუაცია არიონ, რაც ქაოსს გამოიწვევს და იმოქმედებს ბიზნესსა და ინვესტორებზე, რაც მათ აწყობთ, რადგან, რაც უფრო დესტაბილიზაცია იქნება ქვეყანაში, მით მეტი შანსი ექნებათ, რაც იციან, ის გააკეთონ – სიტუაციის არევა. ვალდებული ვართ, საზოგადოებას ეს ვუთხრათ“, აცხადებს ირაკლი სესიაშვილი.