საპარლამენტო უმრავლესობის წევრების „ქართული ოცნების“ ცენტრალურ ოფისში ბიძინა ივანიშვილთან შეხევდრის წინ იურიდიული კომიტეტის თავმჯდომარემ, ეკა ბესელიამ განაცხადა, რომ „ნაციონალური მოძრაობის“ კანდიდატის გრიგოლ ვაშაძის გაპრეზიდენტებამ შესაძლოა, „ძალიან სახიფათო პროცესები“ გამოიწვიოს.

„ქვეყანა დგას რეალური საფრთხის წინაშე - წარსულში დაბრუნდება, თუ გააგრძელებს სვლას ხვალინდელი, უკეთესი, სტაბილური და მშვიდობიანი მომავლისკენ. შეიძლება ისეთი დესტრუქციული იყოს ამ მანდატის გამოყენება, ჰიპოტეტურად რომ წარმოვიდგინოთ, იმ პრეზიდენტის ხელში, რომელსაც შეწყალება ჰგონია, რომ რასაც უნდა იმას გააკეთებს, რომ ამან შეიძლება გამოიწვიოს ძალიან სახიფათო პროცესები“, განაცხადა ბესელიამ ჟურნალისტებთან საუბრისას.