ჩინეთში ვიზიტად მყოფი საქართველოს პრემიერ მინისტრი მამუკა ბახტაძე პრეზიდენტ სი ძინპინის სახელით გამართულ მიღებას დაესწრო.
ამის შესახებ მთავრობის მეთაური „ფეისბუქის" ოფიციალურ გვერდზე წერს.
„დაიწყო ჩემი ვიზიტი ჩინეთის სახალხო რესპუბლიკაში. დავესწარი პრეზიდენტ სი ძინპინის სახელით გამართულ მიღებას, სადაც შევხვდი ჩინეთის სახალხო რესპუბლიკის პრეზიდენტ სი ძინპინს, საერთაშორისო სავალუტო ფონდის ხელმძღვანელ კრისტინ ლაგარდსა და ლიეტუვას პრეზიდენტ დალია გრიბაუსკაიტეს.
ჩვენი მიზანია, საქართველოს გლობალურ ეკონომიკაში ეფექტური ინტეგრაცია და რეგიონის ეკონომიკურ ცენტრად ჩამოყალიბება. ჩინეთის ბაზარი კი არის უდიდესი პლატფორმა ჩვენი მეწარმეებისთვის, რათა მათ ჰქონდეთ უფრო მეტი შესაძლებლობა განავითარონ თავიანთი ბიზნესი და, რაც მთავარია, დაასაქმონ ჩვენი მოქალაქეები.
ხვალ გავხსნით ქართულ პავილიონს, რომელიც დაგვეხმარება ქართული პროდუქციის პოპულარიზაციის საქმეში. ჩვენ გვჭირდება უფრო მეტი ექსპორტი", წერს ბახტაძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.