ექსპერტი დემურ გიორხელიძე მიიჩნევს, რომ „ქართულ ოცნებას“ „კატასტროფული მმართველობის“ შემდეგ აღარ აქვს რეალური ძალაუფლება და მან მშვიდობიანად უნდა დათმოს ხელისუფლება.

სამაუწყებლო კომპანია „რუსთავი 2“-ის გადაცემა „არჩევანში“ ბიძინა ივანიშვილის ვიდეომიმართვის შეფასებისას გიორხელიძემ თქვა, რომ შექმნილ მდგომარეობაში ოპტიმალური გამოსავალი „ოცნების“ მხარდაჭერილი საპრეზიდენტო კანდიდატურის მოხსნა და ვადამდელი საპარლამენტო არჩევნების დანიშვნა იქნებოდა.

„ეს იყო კატასტროფული მმართველობა, რომელიც სრულდება. ახლა მთავარია, როგორ დასრულდება. მე, მაგალითად, მივიღებდი სხვანაირ პოლიტიკურ გადაწყვეტილებას - პრეზიდენტის კანდიდატურა ახლავე მოიხსნებოდა, რასაც მხარს უჭერდნენ; მიეცემოდა საშუალება, რომ ოპოზიციას გაეყვანა თავისი კანდიდატი და უახლოეს ხანში, კონსტიტუციით განსაზღვრულ ვადებში, ვადამდელი საპარლამენტო არჩევნები დაინიშნებოდა“, განაცხადა გიორხელიძემ.