„ერთიანი ნაციონალური მოძრაობის“ და სხვა 10 პოლიტიკური პარტიის გაერთიანება „ძალა ერთობაშია“-ს საპრეზიდენტო კანდიდატმა, გრიგოლ ვაშაძემ „დოიჩე ველე“-სთან ინტერვიუში განაცხადა, რომ საქართველოს პრეზიდენტს უმნიშვნელოვანესი უფლებები გააჩნია და მისი პრეზიდენტობისას ვერავინ ვერ შეძლებს იგი პოლიტიკურ პროცესში მონაწილეობისაგან ჩამოაცილოს.

ჟურნალისტის შეკითხვაზე - მოქმედი კონსტიტუციით საქართველოში პრეზიდენტის როლი საკამოდ სიმბოლურია. რეალურად მას არ აქვს არავითარი აღმასრულებელი უფლებამოსილება. რატომ არის ეს არჩევნები ასე მნიშვნელოვანი? - გრიგოლ ვაშაძემ ასე უპასუხა:

„მაპატიეთ, მაგრამ ეს ეს სავსებით სისულელეა, რომ საქართველოს პრეზიდენტს არასაკმარისი უფლებამოსილებანი აქვს. პრეზიდენტი - ეს უმაღლსეი მთავარსარდალი, მთავარი წარმოამდგენელია ქვეყნისა საერთაშორისო ურთიერთობებში. მას აქვს ვეტოს უფლება, პრემიერ-მინისტრის დამტკიცების უფლება, შეწყალების და ბევრი სხვა არანაკლები უფლება“.

ვაშაძემ ასევე დასძინა,რომ ვერავინ ვერ შეძლებს იგი პოლიტიკურ პროცესში მონაწილეობისაგან ჩამოაცილოს.

„მსურს შევხედო ნებისმიერ ხელისუფლებას, როცა მე მოვუწოდებ 50 ან 100 000 ჩემს თანამემამულეს ქუჩებში გამოსვლისა და ჩემი პროტესტის შეერთებისაკენ. ვინ შეძლებს ამის ალაგმვას? უბრალოდ წარმოიდგინეთ“, აღნიშნა ვაშაძემ.

გრიგოლ ვაშაძემ „დოიჩე ველეს“ ასევე განუცხადა, რომ იგი მიხეილ სააკაშვილს დაუბრუნებს საქართველოს მოქალაქეობას, შეიწყალებს მას და ყველა პოლიტპატიმარს.