კინორეჟისორმა, გოგა ხაინდრავამ საზოგადოებრივი მაუწყებლის გადაცემაში „საპრეზიდენტო არჩევნები 2018“ განაცხადა, რომ ძნელია, ამის შესახებ შვილებს და შვილიშვილებს ელაპარაკო, მაგრამ ეს უნდა გააკეთო.როგორც ხაინდრავამ აღნიშნა, დღეს გვესმის, რომ 7 ნოემბერი და სხვა დანაშაულების კონა შეცდომა იყო, რაც კიდევ უფრო დიდი დანაშაულია, რადგან ეს იყო არა შეცდომა, არამედ მძიმე დანაშაული.
მისი თქმით, დამოუკიდებელი საქართველოს ისტორიაში 7 ნოემბერი იყო ერთ-ერთი სამარცხვინო დღე, როცა ხელისუფლება საკუთარ მოქალაქეებს სასტიკად დაუპირისპირდა.კინორეჟისორმა ასევე განაცხადა, რომ არჩევნებში დადებული შედეგი ქართულ საზოგადოებაში სამართლიანობის აღდგენის უკმარისობაა.
„თავის დროზე, ეს გააკეთა გერმანელმა ხალხმა, როცა სოფელ-სოფელ დადიოდნენ და ყველას, მათ შორის, მოზარდებს აჩვენებდნენ იმ უბედურებას, რაც ნაციზმმა ჩაიდინა. იმის გამო, რომ გერმანელმა ხალხმა გაიაზრა, შეიგრძნო და განიცადა ის, რაც ჩადენილი იყო, ომის დამთავრებიდან 15 წლის შემდეგ, გერმანია ევროპაში ერთ-ერთი განვითარებული ქვეყანა იყო, დღეს კი, საერთოდ ლიდერია.
ეს იყო საკუთარი მოქალაქეების უსასტიკესი დარბევა; თავისუფალი აზრის, სიტყვის, მომავლის და რწმენის ჩახშობა. ამ ადამიანებმა სისხლის კალო მოაწყვეს და დღეს უნდათ, ამას შეცდომა უწოდონ. თუ გვინდა, რომ ასეთი მძიმე დანაშაული არ განმეორდეს, ამას სახელი უნდა დავარქვათ.
საქართველოში 300 000-მდე პრობაციონერი იყო. აღარ ვლაპარაკობ ყველა დანარჩენ დაჩაგრულზე. ამ ადამიანებს უკმარისობის გრძნობა აქვთ, რადგან მათ უსამართლობის შეგრძნება აწუხებთ“, განაცხადა გოგა ხაინდრავამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.