„დაისაჯონ ის ადამიანები, რომლებიც არიან ამ სისხლიანი ტერაქტის მონაწილეები, რომელიც იქნა ჩადენილი 26 დეკემბერს პანკისის ხეობაში", აცხადებს სპეცოპერაციისას მოკლული თემირლან მაჩალიკაშვილის მამა მალხაზ მაჩალიკაშვილი.

მისი თქმით, დამნაშავეების დასჯის მოთხოვნით, აქციები გაგრძელდება. როგორც მაჩალიკაშვილი აცხადებს, დღეს აქცია-მსვლელობა რუსთაველზე, პარლამენტის შენობიდან დაიწყება და „ქართული ოცნების“ ცენტრალურ ოფისთან დასრულდება.

„ესენი უნდა დაისაჯონ - მთელი ხელისუფლება უნდა დაისაჯოს. რომ არა ელისო კილაძე და „რუსთავი 2“, ეს ხელისუფლება გველეშაპივით გადაყლაპავდა ხალხს იმიტომ, რომ ეს არის დეგენერატი, დებილი, მხეცი ხელისუფლება და ივანიშვილს ამას ვეტყვი პირში“, უთხრა მალხაზ მაჩალიკაშვილმა „რუსთავი 2"-ს.