„ყველაფერი დამოკიდებულია ამომრჩეველზე, მის აქტიურობაზე, მინდა კიდევ ერთხელ მოვუწოდო ამომრჩეველს აქტიურობისაკენ“, განუცხადა ჟურნალისტებს პარლამენტის თავმჯდომარემ, ირაკლი კობახიძემ „ედისონ რისერჩის“ კვლევის შედეგებთან დაკავშირებით, რომელიც დღეს გამოქვეყნდა.

მისი თქმით, პირველ ტურში ჩატარებული კვლევა არჩევნების შედეგებს ასცდა.

„ჩვენ ვნახეთ „ედისონ რისერჩის“ კვლევის შედეგები პირველ ტურში, როდესაც ორივე შემთხვევაში მთლიანად ასცდა არჩევნების შედეგებს. რაც შეეხება მეორე ტურს, შედეგებს ვიხილავთ ერთად, როდესაც საარჩევნო ადმინისტრაცია გამოაქვეყნებს ოფიციალურ შედეგს და ნახავთ, თუ რა იქნება და როგორ იქნება. ყველაფერი არის დამოკიდებული ამომრჩეველზე, მის აქტიურობაზე და მე მინდა კიდევ ერთხელ მოვუწოდო ამომრჩეველს აქტიურობისაკენ“, განაცხადა ირაკლი კობახიძემ.