„ქართული ოცნების“ მხარდაჭერილმა დამოუკიდებელმა კანდიდატმა, სალომე ზურაბიშვილმა ორგანიზაცია „ქალები სამართლიანობისთვის“ წარმომადგენლებთან შეხვედრისას  განაცხადა, რომ  უნდა ავაშენოთ თანამედროვე, ქართული საზოგადოება, არა რომელიმე სხვა ქვეყნის „კოპიო“, არამედ თანამედროვე და ქართული.

როგორც მმართველი გუნდის მიერ მხარდაჭერილი კანდიდატი აცხადებს, პრეზიდენტი პოლიტიკაში ნაკლებად უნდა ერეოდეს რადგან მას სხვა უფრო მნიშვნელოვანი და ბევრი საქმე აქვს.

საპრეზიდენტო კანდიდატის აზრით, მას იმედი აქვს, რომ პრობლემების მოგვარების საკითხებში ურთიერთთანამშრომლობას შეძლებენ. მისი თქმით პრობლემები მართლაც არსებობს, მაგრამ პრობლემა რომ არ იყოს საინტერესოც არ იქნებოდა.

„ძალიან ბევრი საქმე აქვს პრეზიდენტს, თუ სერიოზულად მიიღებს ფუნქციას და არ ჩაერთვება პოლიტიკაში, რაც მე დღეს ნაკლებად მაინტერესებს. მე მინდა, რომ ეს საზოგადოება შევცვალოთ და ნამდვილად ავაშენოთ ის თანამედროვე, ქართული საზოგადოება, არა რაღაცა „კოპიო“ რომელიმე სხვა ქვეყნის, არამედ თანამდეროვე და ქართული. ეს დამოკიდებულია ბევრ რამეზე, მათ შორის პედაგოგებზე, განათლებაზე. ძველი საქართველი, რომლიდანაც მე მოვდივარ და რომელზეც ვიღაცეებს პრეტენზია აქვთ, რომ ის ენა და კულტურა აღარ მოგვწონსო, დაფუძნებული იყო პედაგოგებზე, მასწავლებლებსა და მათ მიმართ პატივისცემაზე. ეს არ არის მხოლოდ ხელფასის საკითხი. არის ხელფასის საკითხიც, თუმცა მთავარია ასევე საზოგადოების დამოკიდებულებაც. მე იმედი მაქვს, რომ ვითანამშრომლებთ ამ პრობლემების მოგვარებაში. პრობლემები არის, მაგრამ პრობლემა რომ არ იყოს საინტერესოც არ იქნებოდა“, განაცხადა სალომე ზურაბიშვილმა.