ბორჯომში ავტოსაგზაო შემთხვევის დროს ორი ადამიანი დაშავდა. ერთმანეთს ტრაილერი და „მერსედესის“ მარკის მსუბუქი ავტომობილი შეეჯახნენ.

დაშავებულები სასწრაფო დახმარების ბრიგადამ ბორჯომის სამედიცინო დაწესებულებაში გადაიყვანა.

ავტოსაგზაო შემთხვევა ბორჯომის შესასვლელში დაახლოებით 18:00 საათზე მოხდა. ავარიის დროს „მერსედესში“ მსხდომი ორი 1994 წელს დაბადებული ახალგაზრდა დაშავდა.

როგორც სამედიცინო დაწესებულებაში აცხადებენ, ერთს ბარძაყის ძვალი აქვს მოტეხილი, მეორეს მხოლოდ დაჟეჟილობები აღენიშნება.

ექიმის განმარტებით, ორივე მათგანს გამოკვლევები უტარდება და მათი მდგომარეობა დამაკმაყოფილებელია.

საზოგადობერივი მაუწყებლის ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.