პოლიტიკური გაერთიანება „ევროპული საქართველოს“ წევრები პარტიას ტოვებენ. პროტესტს კახეთიც შეუერთდა. imedinews-ის ინფორმაციით, გურჯაანის რაიონული ოფისიდან 10-მდე წარმომადგენელი წავიდა, რომლებიც კოორდინატორებად და აგიტატორებად მუშაობდნენ.

პროტესტის მიზეზი „ევროპული საქართველს“ ლიდერების განცხადებები გახდა, რომლის მიხედვითაც ისინი მხარს საპრეზიდენტო არჩევნების მეორე ტურში „ნაციონალური მოძრაობის“ და გაერთიანებული ოპოზციის „ძალა ერთობაშია“-ს საპრეზიდენტო კანდიდატ გრიგოლ ვაშაძეს უჭერენ. 

პარტიის უკვე ყოფილი წევრებისთვის გრიგოლ ვაშაძის კანდიდატურა მიუღებელია, ამიტომ ყველა მათგანი „ქართულ ოცნებას“ უკვე შეუერთდა და მეორე ტურამდე აქტიურ მუშაობას სახელისუფლებო პარტიის მიერ მხარდაჭერილი დამოუკიდებელი კანდიდატის, სალომე ზურაბიშვილისთვის იწყებენ.

„ჩვენ არ გვინდა სისხლიანი რეჟიმის დაბრუნება. ადამიანები, რომლებიც აწამებდნენ და კლავდნენ მოქალაქეებს. ჩვენ ვიცოდით, რომ ბაქრაძეა პარტია ცალკე იყო, თუმცა გაირკვა, რომ ისინი კვლავ ერთად მოქმედებდნენ“, განაცხადეს „ევროპული საქართველოს“ ყოფილმა წევრებმა.