საქართველო რეგიონულ დონეზე უნდა განვითარდეს, თუ რეგიონი არ იქნება ძლიერი, იქ თავისუფალი ადამიანები არ იქნებიან და თქვენ ხართ გზის მაჩვენებლები, განაცხადა მმართველი პოლიტიკური პარტიის მიერ მხარდაჭერილმა პრეზიდენტობის კანდიდატმა, სალომე ზურაბიშვილმა კახეთში ახალგაზრდა მეღვინეებთან შეხვედრაზე.
ზურაბიშვილმა თელავის მუნიციპალიტეტის სოფელ ნასამხრალში ღვინის მწარმოებლებთან ქვეყანაში ეკონომიკური პოტენციალის გაზრდის საკითხში მევენახეობის დარგის განვითარების მნიშვნელობასა და ამ სფეროში კერძოს სექტორის გაძლიერების აუცილებლობაზე ისაუბრა.
„ეს არის ამ ქვეყნისთვის დიდი საქმე და წარმატება. თავის ქვეყნის კულტურის გატანა არის პატრიოტიზმის ერთ-ერთი უმაღლესი ფორმა. ის, რაც იყო ადრე – მხოლოდ მევენახეობა და ფიქრი იმაზე, თუ როგორ და სად ჩაგებარებინათ ყურძენი, დღეს ეს უკვე ნამდვილი მეღვინეობაა. ეს არის ძირითადად კერძო საქმე. სახელმწიფო სწორ როლს თამაშობს, დაეხმაროს ამ დარგს ნაკლები სუბსიდირებით. ჩვენ ახალ ეტაპზე უნდა გადავიდეთ. ამ საქმეში სახელმწიფოს აქვს დიდი როლი. მთავარი წამყვანი როლი კერძო სექტორია. ამ სახელმწიფოს სჭირდება ძლიერ ადამიანებზე დაფუძნებული ეკონომიკა და თქვენ ხართ ძლიერი ჯარი“, განაცხადა სალომე ზურაბიშვილმა.
როგორც სალომე ზურაბიშვილმა შეხვედრის შემდეგ ჟურნალისტებს განუცხადა, მეღვინეობა ის დარგია, რომელიც საქართველოში უკვე წარმატებულია.
„ძალიან ბედნიერი ვარ, რომ მქონდა შესაძლებლობა, შევხვედროდი ახალგაზრდა მეღვინეებს, რადგან ამ ქვეყანაში ეს არის დარგი, რომელიც უკვე წარმატებულია და ბევრი მოუტანა საქართველოს, რეგიონებს. წარმოგვიდგინეს მაგალითი, რომ წარმატება და განვითარება რეგიონებიდანაც შეიძლება მოდიოდეს და ეს ჩვენი ქვეყნისა და მომავლისთვის ძალიან მნიშვნელოვანია. ასევე, მნიშვნელოვანია, რომ ამ დარგში ქალები და ძალიან წარმატებული ახალგაზრდები არიან. წარმოდგენილია ყველა ახალი მიმართულება, თუნდაც ბიოპროდუქცია. მგონი, მაგალითი, რასაც მეღვინეობა აძლევს საქართველოს ეკონომიკას, არის ის, რაზეც უნდა ვიფიქროთ და ამ გზით ბევრი სხვა დარგი განვავითაროთ. ჩვენ გვაქვს ბევრი რესურსი და გვჭირდება ხედვა, სტრატეგია და განვითარება“, განაცხადა სალომე ზურაბიშვილმა.
დღევანდელ შეხვედრას, მევენახეებთან ერთად, გარემოს დაცვისა და სოფლის მეურნეობის მინისტრი ლევან დავითაშვილი, კახეთის გუბერნატორი ირაკლი ქადაგიშვილი და მეუფე დავითი ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.