ჭყონდიდის მიტროპოლიტი პეტრე ცაავა საპრეზიდენტო არჩვნების მეორე ტურამდე რამდენიმე დღით ადრე, აცხადებს, რომ ქვეყანაში შექმნილი ვითარებიდან გამოსავალი ოპოზიციური კანდიდატის პრეზიდენტობაა.

„გამოსავალი, ვფიქრობ არის იმაში, რომ ოპოზიციური კანდიდატი გახდეს საქართველოს პრეზიდენტი", განაცხადა მეუფე პეტრე ცაავამ „რუსთავი 2"-ის გადაცემაში „კვირის აქცენტები" პირდაპირი ჩართვისას და დასძინა:

„სახელმწიფო პროგრესისთვის აუცილებელია, ის 73% მოსახლეობისა, რომელიც აღიარებს, რომ არ მოსწონს კურსი და მიაჩნია, რომ არასწორი მიმართულებით ვითარდება ქვეყანა, სწორედ ეს 73% უნდა ფიქრობდეს, რომ მინიმუმ ახლა რა საშუალებაცაა, რისი რესურსიც არსებობს ამ არჩევნებზე, დიდი სახელმწიფოებრივი პასუხისმგებლობა გამოიჩინოს - მივიდეს არჩევნებზე და ხმა მისცეს არასწორი გზიდან სწორ გზაზე გადაყვანის თუნდაც დასაწყისს".