ხელოვნების სასახლეში წიგნის „1918-1920 წლების ქართული ხელოვნება“ პრეზენტაცია გაიმართა.

300 გვერდიანი, ორენოვნი წიგნი საქართველოს დემოკრატიული რესპუბლიკის 100 წლის იუბილესთან დაკავშირებით, ხელოვნების სასახლის მიერ, განათლების, მეცნიერების, კულტურისა და სპორტის სამინისტროს მხარდაჭერით მომზადდა.

პრეზენტაციას პრეზიდენტობის კანდიდატი სალომე ზურაბიშვილიც დაესწრო. მისი თქმით, აღნიშნული წიგნი სიმბოლოა იმისა, რა შეუძლია დამოუკიდებლობას.

„ბედნიერი ვარ, რომ ვიმყოფები ამ  არაჩვეულებრივ გამოფენაზე და წიგნის პრეზენტაციაზე, რომელიც არის ძალიან  დიდი სიმბოლო იმის თუ   რა შეუძლია დამოუკიდბლობას. დამოუკიდებლის სული, თავისუფლების სული, არის ის რაც გვაძლევს შემოქმედების საშუალებას, ძალას და უნარს. ეს ძალიან კარგად ჩანს ამ სამი წლის მანძილზე როგორ  გაიშალა ქართული ნიჭი, ყველა დარგში პრაქტიკულად და  წარმოუდგენელია, რომ ასეთ პატარა ქეყანას ამ სამ წელიწადში, ხელოვნების დარგში ყველა მიმართულებით შეძლო ამდენი შედევრების შექმნა, ეს არაფერი არ არის თუ არა ნიჭი და თავისუფლება, პასუხისმგებლობა და ძალიან ბევრი მუშაობა. ეს საწყისები რომ არ ყოფილიყო, ძალიან ძლიერი საფუძველი ალბათ ვერ გაძლებდა ვერც საქართველოს ხელოვნება და ვერც საზოგადოება ვერ გაუძლებდა იმას თუ რაც იყო, იმ პერიოდიში ძალიან მძიმე ტერორი და წლებიც“, განაცხადა სალომე ზურაბიშვილმა.