საქართველოს მოქმედი პრეზიდენტი გიორგი მარგველაშვილი ხელისუფლებასა და ოპოზიციას შორის დიალოგის გამართვის მომხრეა.
განცხადება გიორგი მარგველაშვილის პოზიციასთან დაკავშირებით კიდევ ერთხელ გააკეთა პრეზიდენტის ადმინისტრაციის უფროსმა, გიორგი აბაშიშვილმა.
„საქართველოს პრეზიდენტი არაერთხელ - მისი პრეზიდენტობის ვადაში და კიდევ ერთხელ - მისი პრეზიდენტობის ვადის მიწურულს გამოვიდა ინიციატივით, რომ შემდგარიყო დიალოგი ხელისუფლებასა და ოპოზიციას შორის.
პოლიტიკური დიალოგის აუცილებლობას პრეზიდენტი ყოველთვის ხაზს უსვამდა ეს იყო მისი ვალდებულება, ეს არის მისი ვალდებულება და თავადაც მზად იყო და მზად არის, პოლიტიკური და ინსტიტუციური ჩართულობის მხრივ მთელ ამ პროცესში", განაცხადა გიორგი აბაშიშვილი.
გაერთიანებული ოპოზიცია არჩევნების შედეგებს არ აღიარებს და ვადამდელ საპარლამენტო არჩევნებს ითხოვს.
ოპოზიციურმა პარტიებმა გუშინ, 2 დეკემბერს თბილისის მთავარ გამზირზე მშვიდობიანი საპროტესტო აქცია გამართეს და სამუშაო ჯგუფის შექმნა მოითხოვეს. გაერთიანებული ოპოზიციის პრეზიდენტობის ყოფილი კანდიდატის, გრიგოლ ვაშაძის განცხადებით, მოთხოვნების შესასრულებლად ხელისუფლებას ვადა 16 დეკემბრამდე აქვს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.