ზურაბ აბაშიძეს მიაჩნია, რომ შიდა ქართლში შესაძლოა სიტუაცია უკონტროლო გახდეს, რადგან ორივე მხარეს არსებობს იარაღის გარკვეული რაოდენობა. აბაშიძე ამბობს, რომ მას პრაღაში კარასინთან უმწვავესი საუბარი ექნება საზღვრის გადმოწევასთან დაკავშირებით.
მწვავე განცხადება საქართველოს პრემიერ-მინისტრის სპეციალურმა წარმომადგენელმა გუშინ სოფელ ორჭოსანის სიახლოვეს, ადგილობრივ მოსახლეობასთან შეხვედრის შემდეგ გააკეთა.
"რომელ საერთაშორისო ნორმებზე უნდა ვილაპარაკოთ, როცა ვხედავთ ადამიანების დაჩაგვრას, აბუჩად აგდებას. ეს ძალიან სახიფათო პროვოკაციაა და შეიძლება ისეთი დესტაბილიზაცია გამოიწვიოს, რომ სიტუაცია უკონტროლო გახდეს. ორივე მხარეს არსებობს იარაღის გარკვეული რაოდენობა. მოსახლეობის დიდი ნაწილი მიღებული ზარალის გამო გაბოროტებულია. სწორედ ამიტომ დესტაბილიზაციის საფრთხე ნამდვილად არსებობს. ქართული მხარე გამოიყენებს მის ხელთ არსებულ ყველა ინსტრუმენტს. როგორც მოგეხსენებათ, რამდენიმე დღეში მორიგი შეხვედრაა დაგეგმილი პრაღაში. მართალია ამ შეხვედრის ფორმატი არ ითვალისწინებს ასეთ ფაქტებზე მსჯელობას, თუმცა სწორედ ამაზე პრაღაში უმწვავესი საუბარი იქნება. ამით დაიწყება და ამით დამთავრდება საუბარი", - განაცხადა საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ.
ადგილობრივი მოსახლეობა, სადაც რუსული საჯარისო დანაყოფის წარმომადგენლებმა დე ფაქტო რესპუბლიკის ე.წ. საზღვრის აღმნიშვნელი ბანერები დაამონტაჟეს, უკიდურესად შეშფოთებულია.
ადგილობრივები ამბობენ, რომ მცოცავი ოკუპაციის შედეგად, ხურვალეთის და წითელუბნის მცხოვრებლები სასოფლო-სამეურნეო მიწების გარეშე რჩებიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.