ყოფილი კოალიცია „ქართული ოცნების“ დეპუტატი გუბაზ სანიკიძე ხელისუფლებას მიმართავს და მოუწოდებს ყოფილ პრეზიდენტს, მიხეილ სააკაშვილს საქართველოს მოქალაქეობა აღუდგინონ და თბილისის აეროპორტში ჩამუსული სააკაშვილი დააპატიმრონ. თუმცა გუბაზ სანიკიძე მიიჩნევს, რომ ხელისუფლებას ამის გაკეთება არ უნდა, რადგან მას ყოფილი პრეზიდენტის ეშინია.

„თქვეს, რომ გუბაზ სანიკიძეს უნდა მიხეილ სააკაშვილის ჩამოყვანა. საერთოდ არ მითქვია მე ეგ. ჯერ ერთი, მე როგორ უნდა ჩამოვიყვანო?! ხომ მარტივი შეკითხვა არის? მე როგორ უნდა ჩამოვიყვანო სააკაშვილი? (იცინის). უბრალოდ ვთქვი გუშინ, რომ - ხომ ხართ ასეთი მამაცები „ქართული ოცნება“ - დავით აღმაშენებელს ის ორასი მხედარი რომ ჰყავდა, ალბათ ასეთები იყვნენ ესენი, დიდგორში რომ შევიდნენ - ხომ ხართ იმ 200 მხედართაგანი საქართველოსთვის, არც ერთი ცოცხალი არ დარჩა - მიეცით პასპორტი. ის ხომ არის მხდალი, თქვენ ხომ ხართ მამაცნი, უშიში ვითარცა უხორცოი, როგორც გიორგი პირველზე იძახოდნენ (იცინის), ხომ ხართ უშიშნი ვითარცა უხორცოი, ჩამოვიდეს და დაიჭირეთ აეროპორტში. აა, არ გინდათ სააკაშვილის ჩამოსვლა? გითხრათ მიზეზი? იმიტომ, რომ გაშლილი „ლიმონკაა“ თქვენ ხელში ისა. არაფრის დამჭერები თქვენ არა ხართ. პანიკა იქნება, დაიფანტებით ოთხივე მხრივ... ისე თქვენ წინაპრებს თემურ ლენგის არ ეშინოდათ და ჯალალედინის. ეს რა გულჩუკენები გახდით კაცო. მე თქვენ ლომები მგონიხართ“, განაცხადა გუბაზ სანიკიძემ ტელეკომპანია „კავკასიას“ ეთერში.