ამერიკის შეერთებული შტატების ტეხასის შტატში ფედერალურმა მოსამართლემ დაადგინა, რომ „ჯანდაცვის ხელმისაწვდომი აქტის“, რომელიც უფრო ცნობილია, როგორც „ობამაქეა“, მთავარი ნაწილი არაკონსტიტუციურია. საქმე ახლა მოსალოდნელია, რომ აშშ-ის უზენაეს სასამართლოში წავიდეს.

პრეზიდენტმა დონალდ ტრამპმა - რომელმაც პირობა დადო, რომ გააუქმებდა მისი წინამორბედის, ბარაქ ობამას 2010 წელს მიღებულ გარდამტეხ ჯანდაცვის აქტს, რომელიც სამედიცინო ხარჯების დაფარვის საშუალებას აძლევდა ბევრ ისეთ ამერიკელს, ვისაც მანამდე ამის შესაძლებლობა არ ჰქონდათ - იმის მიუხედავად, რომ „რესპუბლიკურ პარტიას“ კონგრესის ორივე პალატაში უმრავლესობა ჰყავს, „ჯანდაცვის ხელმისაწვდომი აქტი“ ჯერ კიდევ მოქმედ კანონს წარმოადგენს - ტეხასის მოსამართლის გადაწყვეტილებას უწოდა „დიდებული ახალი ამბავი ამერიკისთვის“.

ტრამპმა ასევე დაჟინებით მოუწოდა მომავალ სენატის უმცირესობის ლიდერს, ჩაკ შამერს და წარმომადგენლობითი პალატის „დემოკრატ“ სპიკერს, ნენსი პელოუსის „მიიღონ მძლავრი კანონი, რომელიც უზრუნველყოფს ჩინებულ ჯანდაცვას“.

პელოუსიმ მოსამართლის დადგენილება აღწერა, როგორც „სასტიკი“ და „აბსურდული“ და განაცხადა, რომ ის გასაჩივრდება.

შამერმა კი აღნიშნა, რომ თუკი ტეხასელი მოსამართლის გადაწყვეტილება უფრო მაღალი ინსტანციის სასამართლოებმაც ძალაში დატოვეს, „ეს საშინელება იქნება ათეულობით მილიონი ამერიკული ოჯახისთვის“.