„ნაციონალური მოძრაობის“ წევრი გიორგი ბარამიძე შინაგან საქმეთა სამინისტროს ხელმძღვანელობას და ბიძინა ივანიშვილს უტიფარსა და ლაჩარს უწოდებს და აცხადებს, რომ თელავისკენ მიმავალი ოპოზიციის კოლონებისთვის გურჯაანის მუნიციპალიტეტში გზის გადაკეტვა წინასწარ გამიზნული ნაბიჯი იყო, რომლის შესახებაც თავად ოპოზიციამ არაფერი იცოდა.

„სამის ნახევარზე მოვიდა საბანაძე უტიფრად და განაცხადა ის, რაც ვერსია აქვს ხელისუფლებას, რომ თავისუფლების გამოხატვის უფლებას ყველას ვაძლევთო, წამობრძანდითო და შატლები, იქეთ-აქეთ მოძრავი ავტობუსები არისო მობილიზებულიო თქვენთვის და სამ საათამდე ჩაგიყვანთ თელავამდეო და მე ვუთხარი, როგორ არ გრცხვენიათ, აი ამდენ ადამიანს უყურებთ თვალებში, კამერებს უყურებთ თვალებში და კიდევ გინდათ უტიფარი ტყუილი მოახვიო თავს. რა გიშლიდათ ხელს, თუ ეს ყველაფერი მომზადებული გქონდათ, გეთქვათ ჩვენთვის და მერე გამოვიდა გახარია და იგივე ვერსია მოახსენა საზოგადოებას, რომ ჩვენ ყველაფერს გავაკეთებდით, უბრალოდ ოპოზიციამ არ ისურვა შატლების გამოყენებაო. უტიფარი, მატყუარა ხარ ლაჩარო გახარია, ლაჩარო ბიძინა ივანიშვილო! შენ რაც დღეს გააკეთე, შეურაცხყოფა მიაყენე საკუთარ თავს“, განაცხადა გიორგი ბარამიძემ „რუსთავი 2“-თან.