გაერთიანებული ოპოზიცია, რომელიც კახეთიდან თბილისში დაბრუნდა და ამ წუთებში დედაქალაქში, რუსთაველის გამზირზე არის შეკრებილი, მთავრობის გადადგომას და ვადამდელი საპარლამენტო არჩევნების ჩატარებას მოითხოვს.

„მოთხოვნებია, ვადამდელი არჩევნები. მთავრობა უნდა გადადგეს იმიტომ, რომ რაც დღეს ჩაიდინეს პირდაპირპროპორციულია მოვითხოვოთ მისი გადადგომა და სრული დელიგიტიმაცია აუცილებლად მოხდება სალომე ზურაბიშვილის და ვფიქრობთ, რომ ეს ყველაფერი მივა არჩევნების ანულირებამდე. მათ შორის ამის სამართლებრივი საფუძვლები და ამის სამართლებრივი დოკუმენტაცია არსებობს, თუნდაც ის კადრები, რომელიც გვაქვს, თუნდაც ის დანაშაული, რაც ჩადენილი არის. ასე რომ, ამ მიმართულებით მივდივართ, გვექნება ძალიან მწყობრი სტრატეგია და აუცილებლად მივიყვანთ ბოლომდე ამ ბრძოლას, რომელიც დავიწყეთ“, უთხრა გიორგი ვაშაძემ „რუსთავი 2“-ს.