„სტატუსის მიუხედავად, ყველას დავაკავებთო. უსტატუსო ფარცხალაძე რატომ არ არის დაკავებული?“, განაცხადა გაერთიანებული ოპოზიციის, „ძალა ერთობაშია“-ს ყოფილმა საპრეზიდენტო კანდიდატმა გრიგოლ ვაშაძემ ბრიფინგზე საქართველოს შინაგან საქმეთა მინისტრის, გიორგი გახარიას კვირას გაკეთებული განცხადების შეფასებისას.

„სტატუსის მიუხედავად, ყველას დავაკავებთო. უსტატუსო ფარცხალაძე რატომ არ არის დაკავებული? რატომ აქვს ფარცხალაძეს იმუნიტეტი, ადამიანის წამებებზე სარდაფში? „ომეგას“ საქმის მონაწილეები რატომ არ არიან დაკავებულები? გუშინდელი უმსგავსოებების ორგანიზატორები და სულისჩამდგმელები რატომ არ არიან დაკავებულები? გახარიამ ჯობია ამას მიხედოს იმიტომ, რომ ყველა შინაგან საქმეთა მინისტრი, რომელიც იწყებდა ასეთ საუბარს საზოგადოებასთან არც თუ ისე კარგად ამთავრებდა“, განაცხადა გრიგოლ ვაშაძემ.

გიორგი გახარიამ კვირას თქვა, რომ ოპოზიციის მხრიდან თითოეულ პროვოკაციულ ქმედებას ექნება სამართლებრივი შეფასება და „ყველა, განურჩევლად მათი სტატუსისა, იქნება პასუხისგებაში მიცემული, სადაც დანაშაული გამოიკვეთება“.