ბატონო გიორგი, თქვენ ახლა დაინახეთ ძალიან სასაცილო და თვალთმაქცური ტაქტიკა უმრავლესობის წევრების, რომლებმაც გადაწყვიტეს, რომ დაასწრონ ოპოზიციას და დასვან ყველა მწვავე შეკითხვა რაც კი არსებობს თქვენს მიმართ, ასე მიმართა „ერთიანი ნაციონალური მოძრაობის" წევრმა, რომან გოცირიძემ პარლამენტის სხდომაზე შინაგან საქმეთა მინისტრს, გიორგი გახარიას.

„ეს ადამიანები იყვნენ წინააღმდეგნი, რომ ნათელი მოჰფენოდა მთელ ამ დანაშაულებებს. ახლა დგანან და შეკითხვებს გისვამენ ნაღვლიანი სახეებით, მაგრამ ერთი შეკითხვის დასმა მაინც ვერ გაბედეს, ერთი, რომელიც  მათ ტაქტიკაშიც კი ვერ ჩაჯდა. ეს არის შემდეგი შეკითხვა:

ბატონო გიორგი, როგორ ხსნით იმას, რომ ამ არჩევნებში პოლიცია და პატრული, პირადად ჩემს საარჩევნო უბანში იდგა ქუჩის წვრილფეხა კრიმინალებთან ერთად და მსხვილფეხა კრიმინალებთან ერთად, ქურდებთან და მოქურდო ელემენტებთან ერთად მართავდნენ ქვეყანაში საარჩევნო პროცესს. გრცხვენიათ თუ არა იმის გამო, რომ შელახეთ პოლიციელის მუნდირი?“ მიმართა რომან გოცირიძემ გიორგი გახარიას.