გიორგი ანწუხელიძის სახელობის სერჟანტთა აკადემიაში ქვეითი ათეულის მეთაურის კურსის გამოშვებისადმი მიძღვნილი საზეიმო ცერემონიალი გაიმართა.
კურსის დასრულება თავდაცვის ძალების მთავარმა სერჟანტმა, მთავარმა სერჟანტმა კობა ცირეკიძემ, წვრთნებისა და სამხედრო განათლების მთავარმა სერჟანტმა, მთავარმა სერჟანტმა კობა ოშხერელმა და გიორგი ანწუხელიძის სახელობის სერჟანტთა აკადემიის მეთაურმა, ვიცე-პოლკოვნიკმა დავით გაგუამ მიულოცეს. სიტყვით მიმართვისას ყურადღება თავდაცვის ძალებში სერჟანტის როლზე გაამახვილეს და წარმატება უსურვეს.
სასწავლო პროცესის განმავლობაში კურსზე ჩარიცხულმა სამხედრო მოსამსახურეებმა ძირითადი სამხედრო საკითხები შეისწავლეს და საჭირო უნარ-ჩვევები გამოიმუშავეს, რომელიც ქვეითი ათეულის მეთაურის ფუნქციონალური მოვალეობის შესასრულებლადაა აუცილებელი.
მსმენელებს „ქვეითი ათეულის მეთაურის კურსის“ დამთავრების დამადასტურებელი დიპლომები გადაეცათ.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.