მაშველებმა სოლიკამსკის მაღაროში რვა ადამიანის ცხედარი იპოვეს, 9 დაკარგული მეშახტის ძებნა კი გრძელდება, განუცხადეს „რია ნოვოსტის“ პერმის გუბერნიის პრეს-სამსახურში.

ამ დროისთვის რუსეთის პერმის ოლქის, სოლიკამსკის მაღაროში გაჩენილი ხანძარი ჯერ კიდევ არ არის ბოლომდე ლიკვიდირებული და დაახლოებით 30 კვ.მ-ზე ცეცხლის კერები ისევ რჩება.

მაღაროს ხელმძღვანელობის განცხადებით, დაღუპულთა ოჯახებს სამ მილიონ რუბლს გადაუხდიან.

სოლიკამსკის რაიონში, კომპანია „ურალკალის“ მაღაროში ხანძარი შაბათ დილით გაჩნდა. 364 მეტრის სიღრმიდან 8 ადამიანი ამოყვანილია, ცხრის ამოყვანა კი ვერ ხერხდება. მაღაროელებთან კავშირი გაწყვეტილია.

პერმის ოქლის ხელმძღვანელის, მაქსიმ რეშეტნიკოვის განცხადებით, მაღაროში ბლოკირებული 9 ადამიანის ცოცხლად ამოყვანის შანსები არ არსებობს.