„ერთიანი ნაციონალური მოძრაობის“ წევრი, დეპუტატი სალომე სამადაშვილი იურიდიული კომიტეტის თავმჯოდმარის პოსტიდან ეკა ბესელიას გადადგომას ეხმაურება და ამბობს, რომ ბესელიამ „მურუსიძის და ჩინჩალაძის არსებობა, ბიძინას შავ სიაში როდესაც აღმოჩნდა, მას შემდეგ შეიტყო“.

„რაზე მიპირებს ჩივილს, აწ უკვე ყოფილი თავმჯდომარე, ვერ დავადგინე... ბესელიას ვირეშმაკობაზე გაერთობოდა ადამიანი, ქვეყანა რომ არ იყოს განადგურებული კოლექტიური ბესელიას ხელში. მოსამართლეების თემას აეკიდა, გაგდებით მაინც მაგდებს, დაჭერას გადავურჩეო. მურუსიძის და ჩინჩალაძის არსებობა, ბიძინას შავ სიაში როდესაც აღმოჩნდა, მას შემდეგ შეიტყო... თანამდებობების, გავლენის სფეროების, ბიზნესების გადანაწილებით არიან დაკავებულები, როდესაც ქვეყნის ეკონომიკური ზრდის პროგნოზი მცირდება და სიღარიბე იზრდება. მართლაც კომიკურ მოვლენად გადააქციეს ქართული სახელმწიფო, ოპერეტის უნიჭო დადგმას დაემსგავსა“, წერს სამადაშვილი „ფეისბუქზე“.