„ლეიბორისტული პარტიის“ ლიდერი შალვა ნათელაშვილი „პსპ-ს“ და „ავერსის“ შემოსავლების მნიშვნელოვან ზრდას ეხმაურება და აცხადებს, რომ „სიცოცხლით მოვაჭრე ოქრიაშვილი და კურტანიძე კვლავ მილიარდი მოგებით ხელდამშვენებული ხვდებიან ახალ წელს“.

„აი სიცოცხლით მოვაჭრე ოქრიაშვილი და კურტანიძე კვლავ მილიარდი მოგებით ხელდამშვენებული ხვდებიან ახალ წელს. აბა რა იქნება ერთ ლარიან წამალს 10 ლარად და მეტად ყიდიან. დმანის-ბოლნისელებო კიდევ აირჩიეთ, მერვედ მაჟორიტარ დეპუტატად ოქრიაშვილი, სხვა არავინ შემოგეხაზოთ ღმერთი არ გაგიწყრეთ, ქუთაისლებო აუცილებლად წარმოაგზავნეთ პარლამენტში კურტანიძეც ალი ბაბასა და 40 ყაჩაღს ეგღა აკლია მანდ“, წერს ნათელაშვილი, რომელიც „ფეისბუქზე“ აზიარებს ინფორმაციას რომლის თანახმადაც „პსპ-ს“ შემოსავალი 2017 წელს 477 მილიონამდე გაიზარდა, „ავერსის“ კი, 366 მლნ-მდე.