„მინდა ბიძინა ივანიშვილს მივმართო, რომ თუ არ დაიწყებს დეკობახიზაციას, ხალხი დაიწყებს დეოცნებიზაციას“, განაცხადა საპარლამენტო უმრავლესობის რიგებიდან თვეების წინ გარიცხულმა დეპუტატმა დავით ჭიჭინაძემ.

„ჩვენმა პლასტმასის თავმჯდომარემ შაბათ-კვირას კიდევ გაგვაოცა განცხადებებით და მე მინდა უბრალოდ ბიძინა ივანიშვილს მივმართო, რომ თუ არ დაიწყებს დეკობახიზაციას, ხალხი დაიწყებს დეოცნებიზაციას. ამიტომ აქედან გამომდინარე, მე ვფიქრობ, ამ კომიტეტს უკვე თავისი მისია შესრულებული აქვს იმიტომ, რომ ეკა ბესელიამ შეაჩერა იმ უსამართლო სამართლიანობის დანერგვა და დანარჩენი მე ვფიქრობ უკვე გაცილებით ღრმა პრობლემაა, ვიდრე კომიტეტის პირველი მოადგილის არჩევა ან კომიტეტის თავმჯდომარის არჩევა“, განაცხადა ჭიჭინაძემ.