„ქართული ოცნების“ რიგებიდან ერთხელ უკვე წასული და მალევე უკან დაბრუნებული გედევან ფოფხაძე, რომელიც ეკა ბესელიას თანაგუნდელია და მისი აქტიური მხარდაჭერით პარლამენტის იურიდიული კომიტეტის თავმჯდომარის პირველი მოადგილე და კომიტეტის თავმჯდომარის მოვალეობის შემსრულელები გახდა, აცხადებს, რომ დღევანდელ სხდომაზე გაარკვევს არის თუ არა მისი ადგილი მმართველი პარტიის რიგებში.

„შევალ და ვნახავ, ჩემი ადგილი არის თუ არა ამ გუნდში“, განუცხადა ფოფხაძემ ღიმილით ჟურნალისტებს ფრაქცია „ქართული ოცნების“ სხდომის დაწყებამდე და დაამატა: „მე არა მგონია, რომ ეს საკითხი დღეს ასე უნდა დაისვას და თუ ვინმე ასე დასვამს, ეს იქნება არასწორი და მე იმედი მაქვს, რომ ჩვენ აქცენტებს არსებითი თემიდან არ გადავიტანთ რაღაცა კერძო, პირად საკითხებზე. ეს არ იქნება სწორი“.