საქართველოს რეგიონული განვითარებისა და ინფრასტრუქტურის სამინისტრომ „სოფლის მხარდაჭერის პროგრამასთან“ დაკავშირებით, სამცხე-ჯავახეთის სამხარეო ადმინისტრაციასთან და მასში შემავალი მუნიციპალიტეტების წარმომადგენლებთან ვიდეო კონფერენცია გამართა.

პროგრამით დასაფინანსებელი პროექტების შერჩევა მოსახლეობის მიერ მოხდება და შერჩევის პროცესი 2019 წლის 1 მარტამდე დასრულდება.

„სოფლის მხარდაჭერის პროგრამით“ 5 ათასიდან 10 ათას ლარამდე ღირებულების მცირე ინფრასტრუქტურული პროექტები დაფინანსდება, პროგრამის ფარგლებში განსახორციელებელი პრიორიტეტული პროექტები შეირჩევა დასახლების საერთო კრებებზე, თავად მოსახლეობის მიერ.

თანხის განაწილება დასახლების მოსახლეობის რაოდენობის მიხედვით მოხდება:

• 200 კაცამდე- 5000 ლარი;

• 400 კაცამდე - 6000 ლარი;

• 1000 კაცამდე - 8000 ლარი;

• 1000 კაცზე მეტი - 10000 ლარი.

საქართველოს მთავრობის დადგენილებით განსაზღვრულია კატეგორიები, რომლებსაც შესაძლებელია მოხმარდეს „სოფლის მხარდაჭერის პროგრამით“ გამოყოფილი თანხა:

• სასმელი წყლის სისტემები;

• სარწყავი სისტემები;

• სანიაღვრე არხები;

• ნაპირსამაგრი სამუშაოები;

• გზები;

• ხიდები, ცხაურები, ხიდბოგირები, გადასასვლელები;

• გარე განათება;

• სკოლების მიმდებარე ტერიტორიების კეთილმოწყობა;

• სკოლამდელი დაწესებულებები და შესაბამისი ინვენტარი;

• ამბულატორიული შენობები;

• კულტურის ოებიექტები;

• სპორტული ინფრასტრუქტურა, მოედნები და მოედნების ინვენტარი;

• სკვერები და სველი წერტილები შესაბამისი ინვენტარით;

• წისქვილების რეაბილიტაცია და შესაბამისი ინვენტარი;

• სასაფლაოს შემოღობვა;

• თავშეყრის ადგილები, მოსაცდელები;

• მინიჰესები და შესაბამისი რეაბილიტაცია/აღდგენა.

სოფლებში პროექტების შესარჩევად სოფლის კრებების ჩატარებას მუნიციპალიტეტის წარმომადგენლები უზრუნველყოფენ, კრებები თებერვლის ბოლომდე ჩატარდება.

ინფორმაციას ადიგენის მერიის პრესსამსახური ავრცელებს.