ფონდი "ქართუ" სტიქიის შედეგად დაზარალებულთა დასახმარებლად დამატებით 8 მილიონ ლარს ჩარიცხავს. როგორც თბილისის ვიცე-მერმა დიმიტრი ქუმსიშვილმა დღეს გამართულ პრესკონფერენციაზე განაცხადა, თბილისის საკრებულოს მიერ დამტკიცებული სტიქიის შედეგად დაზარალებულთა დახმარების წესის შესაბამისად, დღეს უკვე შემოსულია 7 ოჯახის განაცხადი, რომელთა წევრების რაოდენობა 37-ს შეადგენს. სპეციალურად დაზარალებულთათვის გაიხსნა საგარანტიო ანგარიშები, სადაც მათთვის განკუთვნილი 1 657 000 ლარი უახლოესი დღეების განმავლობაში აისახება. ქუმსიშვილმა მადლობა გადაუხადა ყველა ადამიანს, ვინც თუნდაც ერთი ლარი გადარიცხა სტიქიის შედეგად დაზარალებულთა დასახმარებლად.
"სწორედ თითოეული თქვენგანის დახმარებით ხდება შესაძლებელი დაზარალებული 50 ოჯახის მუდმივი საცხოვრისით უზრუნველყოფა. აქვე მინდა აღვნიშნო, რომ დღეის მდგომარეობით, დაზარალებულთა საცხოვრისით უზრუნველყოფისათვის, განსახლებისა და სახლების რეაბილიტაციისთვის საჭირო თანხა 18 მილიონ ლარზე მეტს შეადგენს, საიდანაც დღეს მობილიზებულია 10 მილიონი ლარი. აქ განსაკუთრებით მადლობა მინდა გადავუხადო საერთაშორისო საქველმოქმედო ფონდ "ქართუს" და მის დამფუძნებელს, იმისათვის, რომ წესით აღებული ვალდებულების შესასრულებლად დამატებით ჩაირიცხება კიდევ 8 მილიონი ლარი და შესაბამისად, ის თანხა, რომელიც იყო საჭირო ამ წესის აღსასრულებლად, სრულად შეივსება", - განაცხადა ქუმსიშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.