სამაუწყებლო კომპანია „რუსთავი 2“-ის გენერალური დირექტორი ნიკა გვარამია პროკურატურის მიერ „თიბისი ბანკის“ წინააღმდეგ აღძრული სისხლის სამართლის საკითხს ეხმაურება და აცხადებს, რომ „რასაც ახლა ივანიშვილი სუსის სააგენტოების მეშვეობით და პროკურატურის პრაქტიკულად დამადასტურებელი განცხადებებით შვრება, ხაზარაძის და სხვა ფიგურანტების პროფესიული მკვლელობა ქვია“.

„რასაც ახლა ივანიშვილი შვრება, ხაზარაძის და სხვა ფიგურანტების პროფესიული მკვლელობა ქვია. რა ინფორმაციასაც შეგნებულად გააჟონინა სუსის სააგენტოების მეშვეობით და პროკურატურის პრაქტიკულად დამადასტურებელი განცხადებებით, სავსებით საკმარისია საიმისოდ, რომ უმძიმესად დაზიანდნენ ამ საქმის ყველა ფიგურანტი. ბანკირისთვის საკუთარი ბანკის გაქურდვის და ფულის გათეთრების დაბრალებას, მკვლელობის დაბრალება ჯობია. პირდაპირ ანადგურებს ამ ხალხს რეპუტაციულად და პროფესიულად. რატომ, მოგვიანებით დავწერ“, წერს „ფეისბუქზე“ გვარამია.