„ევროპული საქართველოს“ წევრი, დეპუტატი სერგი კაპანაძე მიიჩნევს, რომ ბიძინა ივანიშვილისთვის ყველაზე კომფორტული გზა არის ის, რომ დისკუსიის აქცენტი გადავიდეს გუნდში არსებულ შიდა დაპირისპირებაზე და ამ დროს კი „ყველაზე ფუნდამენტური პრობლემა არის სწორედ ეს, რომ მას ხელში აქვს სასამართლო ჩაგდებული“.

„ივანიშვილს უნდა, რომ ბოლომდე მიიყვანოს სასამართლოზე კონტროლი. სასამართლო დაქვემდებარებაში ჰყავს, მაგრამ ახლა უვადოდ განწესებით მოსამართლეების, ბოლომდე ჩაიგდებს ხელში და შესაბამისად, მისთვის ყველაზე კომფორტული გზა არის, რომ დისკუსიის აქცენტი გადავიდეს შიდა დაპირისპირებაზე, იმაზე, ბესელიამ რაიმე დააშავა თუ არა, გარიცხავენ თუ არა და ა.შ. ამ დროს ყველაზე ფუნდამენტური პრობლემა არის სწორედ ეს, რომ მას ხელში აქვს სასამართლო ჩაგდებული და კიდევ უფრო უნდა ამის განმტკიცება. ამიტომ, აქედან გამოსავალი არის ამ სასამართლო სისტემის ფუნდამენტური რეფორმა“, განაცხადა სერგი კაპანაძემ.