საქართველოს საგარეო საქმეთა მინისტრი დავით ზალკალიანი საქართველოში ჩინეთის სახალხო რესპუბლიკის ელჩს, ძი იანჩის შეხვდა.
შეხვედრაზე მხარეებმა ისაუბეს საერთაშორისო ორგანიზაციების ფარგლებში საქართველო-ჩინეთს შორის მჭიდრო თანამშრომლობის შესახებ. ძი იანჩიმ მადლობა გადაუხადა საქართველოს გასული წლების განმავლობაში, საერთაშორისო ორგანიზაციების არჩევით თანამდებობებზე ჩინეთის კანდიდატურების მხარდაჭერისათვის.
შეხვედრაზე, განსაკუთრებული ყურადღება გამახვილდა საქართველოსა და ჩინეთს შორის გაფორმებული თავისუფალი ვაჭრობის შესახებ შეთანხმების (FTA) დადებით შედეგებზე და სარტყელისა და გზის ინიციატივის ფარგლებში ორმხრივი თანამშრომლობის გაღრმავების აუცილებლობაზე.
მხარეებმა ასევე ისაუბრეს 2019 წელს მაღალი დონის ვიზიტების განხორციელების მიზანშეწონილობაზე. ამავე კონტექსტში განიხილეს საგარეო საქმეთა მინისტრების შეხვედრის შესაძლებლობა და გამოხატეს მზადყოფნა აქტიურად ითანამშრომლონ მომავალში.
ინფორმაციას საქართველოს საგარეო საქმეთა სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.