ქართველი მეზღვაურის, დავით რაზმაძის გაუჩინარების თაობაზე მედიასთან კომენტარი გააკეთა საქართველოს საგარეო საქმეთა სამინისტროს წარმომადგენელმა, ვლადიმერ კონსტანტინიდმა. მან თქვა, რომ საქართველოს საელჩო კონტქატზე იმყოფება ლიბიურ მხარესთან, დღის განმავლობაში ელოდებიან დამატებთ ინფორმაციას. „ყოველ წუთში შეიძლება რაღაც სიახლე მივიღოთ და ვერც ერთი ვერსიის გამორიცხვა ამ ეტაპზე ვერ მოხდება, სანამ გამოძიება უფრო დეტალურ ინფორმაციას არ მოგვაწვდის“, აღნიშნა მან.

„განაცხადი აღნიშნულ ფაქტზე საგარეო საქეთა სამინისტროს საკონსულო დეპარტმანეტში შემოვიდა15 იანვარს და დაუყოვნებლივ დავიწყეთ შესაბამისი მოქმედებები. ინსტრუქციები მივეცით ჩვენს საელჩოს ეგვიპტეში და გნერალურ საკონსულოს სტამბულში. მოგეხსენებათ, ეგვიპტიდან ვფარავათ ლიბიას. ასევე იმის გათვალისწინებით, რომ გემი არის თურქული კომპანიის მფლობელობის ქვეშ, შესაბამისი დავალებები გავეცით ჩვენს მისიაზე სტამბულში. დღეისათვის გემის მფლობელი კომპანიის ადვოკატი იმყოფება ლიბიაში და ცდილობს იქ დეტალების გარკვევას. გამოძიებას აწარმოებს ლიბიური მხარე. ცნობილია, რომ 7 იანვარს ჩვენი მეზღვაური, რომელიც მორიგეობდა გემბანზე, მეორე დღეს ის შემცვლელმა ვეღარ ნახა ანუ ფაქტობრივად, მოხდა მისი გაუჩინარება და დღემდე რაიმე დეტალი აღნიშნულის შესახებ ჩვენთვის უცნობია. ჩვენი საელჩო არის კონტქატზე ლიბიურ მხარესთან, საელჩოს მეშვეობით ქაიროში და დღის განმავლობაში ჩვენ ველოდებით დამატებთ ინფორმაციას, ყოველ წუთში შეიძლება რაღაც სიახლე მივიღოთ და ვერც ერთი ვერსიის გამორიცხვა ამ ეტაპზე ვერ მოხდება, სანამ გამოძიება უფრო დეტალურ ინფორმაციას არ მოგვაწვდის“, განაცხადა საქართველოს საგარეო საქმეთა სამინისტროს წარმომადგენელმა, ვლადიმერ კონსტანტინიდმა.