საბერძნეთის პარლამენტმა მეზობელი ჩრდილო მაკედონიისთვის სახელის გადარქმევის 27-წლიანი კამათი დაასრულა.

დეპუტატებმა 156 ხმით 146-ის წინააღმდეგ მხარი დაუჭირეს ჩრდილოეთ მაკედონიის რესპუბლიკის სახელს, მიუხედავად იმისა, რომ საზოგადოების ფართო ფენებში ამასთან დაკავშირებით ოპოზიციური განწყობაა.

ხუთშაბათ ღამით ათასობით დემონსტრანტი იყო შეკრებილი პარლამენტის შენობის გარეთ.

1991 წლიდან, მას შემდეგ რაც მაკედონიამ დამოუკიდებლობა მოიპოვა, საბერძნეთი უარს ამბობდა მაკედონიის სახელზე, რადგან მასაც ამავე სახელწოდების რეგიონი აქვს.

აღნიშნული შეთანხმების ყველაზე მძლავრი მოწინააღმდეგეები ჩრდილოეთ საბერძნეთის რეგიონში, მაკედონიაში არიან, მაგრამ მთელი ქვეყნის მასშტაბით ჩატარებული გამოკითხვებიც აჩვენებს, რომ ბერძნების უმრავლესობას, 60%-ზე მეტს არ მოსწონს ეს.

პარლამენტში დებატები 38 საათზე მეტხანს გაგრძელდა და მასში 200-ზე მეტმა დეპუტატმა მიიღო მონაწილეობა.

ულტრა-მემრჯვენე „ოქროს გარიჟრაჟის პარტიის“ წევრები კენჭისყრისას გაჰყვიროდნენ: „მოღალატეები!“